Enter Engineering ходимлари иш ҳақи кечикаётганидан шикоят қилмоқда, Олмалиқдаги 3-МБФ ишчилари уч ойдан бери маош олмаётгани ҳақида хабарлар тарқалди. Компания вазиятга изоҳ бериб, февраль ойи учун маош тўлаганини, иш ҳақи буюртмачи олдида бажарилган ишнинг натижасига боғлиқ эканини маълум қилди.
Ўзбекистонда 2023 йилда ўртача номинал иш ҳақи 17,2 фоизга ошди — 4,55 млн сўм. Ўсиш суръати 2021−2022 йилларга нисбатан пастроқ бўлди. Пойтахт ва вилоятлар ўртасидаги иш ҳақи фарқи ўсишда давом этмоқда. Энг паст иш ҳақи ҳамон соғлиқни сақлаш ва таълим соҳасида сақланиб қолмоқда.
Ўзбекистонда бюджет ташкилотлари ходимларига декабрь ойидаги маошларини тўлаш кечикмоқда. Иқтисодиёт ва молия вазирлиги буни бухгалтерия ҳисобини юритиш янги тизимига ўтгани билан изоҳлади ва беш иш куни ичида иш ҳақини тўлиқ молиялаштиришга ишонтирди.
Президент фармони билан 1 декабрдан иш ҳақи, пенсиялар ва ижтимоий нафақалар миқдори 7 фоизга оширилади. Шунингдек, базавий ҳисоблаш миқдори (БҲМ) 340 минг сўм этиб белгиланмоқда.
Ўзбекистонда 2024 йилда давлат бюджетининг иш ҳақи, пенсиялар, стипендия ва нафақалар миқдорини ва айрим хизматларнинг тарифларини ошириш билан боғлиқ харажатлари 9,6 трлн сўмни ташкил этади. Умумий ҳисобда иш ҳақи, пенсия ва стипендияларга давлат бюджети харажатларининг ярмидан кўпи йўналтирилади.
Ўзбекистонда ўз хоҳиши билан навбатдан ташқари аттестацияда қатнашиб, малака тоифасини оширган тиббиёт ва фармацевтика ходимларига оширилган малака тоифаси бўйича ҳақ тўланади.
Статистика агентлигининг ҳисоботига кўра, Ўзбекистонда январь-июнь ойларида ўртача ойлик иш ҳақи 4,3 млн сўмни ташкил этган. Иш ҳақининг энг юқори кўрсаткичлари Тошкент шаҳри (7 миллион сўм), Навоий вилояти (5,6 миллион сўм) ва Тошкент вилоятида (4,3 миллион сўм) кузатилган.
Президент иш ҳақи, пенсия, нафақа ва стипендиялар миқдори мунтазам ошириб борилишини билдирди. Бунинг учун бюджетдан ҳар йили қўшимча 30−40 трлн сўм ажратиш керак бўлади. Шунингдек, давлат раҳбари ҳар йили юзлаб янги боғчалар, мактаб ва шифохоналар қуриш лозимлигини таъкидлади.
Ўзбекистонда 1 майдан меҳнатга ҳақ тўлашнинг энг кам миқдори 980 000 сўм, базавий ҳисоблаш миқдори 330 000 сўм этиб белгиланди. Шунингдек, бюджет ташкилотлари ходимларининг иш ҳақи миқдори 7 фоизга оширилди.
2023 йилда Ўзбекистонда иш ҳақи, пенсия ва нафақаларни яна бир бор ошириш режалаштирилган. Баҳорги ўсиш 7 фоизни ташкил этиши аллақачон хабар қилинган. 1 сентябрдан яна 10 фоиз қўшиш режалаштирилган.
Ўзбекистон президенти 1 апрелдан пенсиялар, 1 майдан бошлаб эса давлат хизматчиларининг иш ҳақи ва базавий ҳисоблаш миқдорини ошириш тўғрисидаги қарорни имзолади. Ўсиш ўртача 7% ни ташкил қилади.
Шифокорлар ойлик иш ҳақига қўшимча ҳар ойлик устама тўланадиган 297 та олис ва чекка ҳудуд рўйхати тасдиқланди. Уларнинг маошига 2 млн сўм устама белгиланади ва ипотека асосида уй-жой сотиб олишда 50 фоизигача, бироқ БҲМнинг 500 баробаридан ошмаган қисми қоплаб берилади.
1 июндан бюджет ташкилотлари ходимларининг иш ҳақи 12 фоизга оширилади. Меҳнатга ҳақ тўлашнинг энг кам ва базавий ҳисоблашнинг янги миқдорлари белгиланмоқда.
Сўнгги беш йил ичида таълим соҳасида ўртача иш ҳақи 2,5 баробар ошди, бироқ мамлакатдаги ўртача иш ҳақига нисбатан фарқ 16,8 фоиздан 26,5 фоизгача кўтарилди. Соғлиқни сақлаш соҳасида эса тафовут аста-секин қисқарди, аммо 2022 йил январь-март ойларида у беш йил аввалги кўрсаткичга қайтди.
2021 йилда 2 млн сўмгача ойлик оладиган сони камайиб, 2−4, 4−5 ва 5 млн сўмдан зиёд маош оладиганлар сони ортди. Хусусан, 5 млн сўмдан ортиқ иш ҳақи олувчилар сони бир йил аввалгига нисбатан 209 минг кишига кўпайиб, 513,2 минг нафарга етган.
Россия мигрантлар федерацияси маълумотига кўра, мамлакатдаги меҳнат мигрантларининг ўртача ойлик даромади 47,1 минг рублни (6,9 млн сўм) ташкил этади. Рус тилини билиш даражасига қараб, иш ҳақи 12 минг рублгача фарқ қилиши мумкин. Мигрантлар учун қурилиш ҳамда транспорт-логистика тармоқлари энг даромадли деб топилган. Энг кам иш ҳақи эса қишлоқ хўжалиги ва маиший хизмат кўрсатиш соҳасида банд бўлган муҳожирларга тўланади.
2022 йил учун давлат бюджети лойиҳасига кўра, иш ҳақи, пенсия, стипендия, нафақалар миқдорларини ва айрим хизмат турлари бўйича тарифларни ошириш билан боғлиқ харажатларга 11,7 трлн сўм йўналтирилади.
2020 йилда республика бўйича ўртача ойлик иш ҳақи 2,67 млн сўмни ташкил этиб, 2019 йилга нисбатан 14,8 фоизга ўсди. Ўзбекистон бўйича энг юқори иш ҳақи Тошкент шаҳри (3,99 млн сўм), ҳамда Навоий (3,5 млн) ва Тошкент (2,87 млн сўм) вилоятларида қайт этилган.
2020 йилда энг кўп маош тўланадиган мутахассисликлар олий менеджмент ва ахборот технологиялари соҳалари бўлиб, максимал даражадаги ойлик иш ҳаки 30 млн сўмга тенг бўлган. Энг кам ойлик иш ҳақи ишчи ходимлар ва суғурта соҳаси ишчиларига тўғри келган — 700 минг сўм.
Ўзбекистонда 1 млн сўмгача иш ҳақи олувчилар сони 42,8 фоизни, 5,5 млн сўм ва ундан юқори олувчилар сони 6 фоизни ташкил этади.
Қўшимча имкониятларга эга булиш учун сайтда рўйхатдан ўтинг